Nga Mero Baze
Jeta e re jashtëparlamentare e opozitës, më shumë se sa nga dhuna, u dominua sot nga një fjalor agresiv seksual ndja policëve dhe shumicës në Kuvend. Ndërsa brenda parlamentit, miratoheshin stukturat e Këshillit të Lart të Prokurorisë dhe Këshillit të Lartë Gjyqësor, që I hapin rrugë ngritjes së dy institucioneve të rëndësishme të reformës në drejtësi, Byrosë Kombëtare të Hetimit dhe Strukturës së Posaçme Anti Korrupsion, jashtë një turmë e improvuzar me punonjës të Bashkisë së Kamzës dhe Shkodrës, dukej sikur rrezatonin më shumë uri seksuale se sa uri për bukë apo punë sic pretendon opozita.
Nuk është se ka ndonjë problem me fjalët e pista në mitingje se ato përdoren ngado. Nuk është as ndonjë shkelje ligji të shash nga nëna dhe motrat policët dhe deputetët kur je në protestë.
Por ajo që binte në sy ishte se opozita qënkësh kompleksuar nga një batutë e Edi Ramës që paska thënë dikur në Kuvend për Berishën lidhur me problemet andrologjike të opozitarizmit.
Duket se çlirimi më I madh që ndjente opozita pas kësaj, ishte fjalori seksual agresiv.
Kjo nuk tregonnë të vërtet potencën e opozitës, por pafuqinë për të artikuluar axhendën e re joparlamentare të saj.
Kjo betejë që ka nisur opozita, do të jetë e gjatë dhe e vështirë. Do ti duhet të bëj jetë parlamentare para Kuvendit sa herë ka dhe seancë brenda tij. Do ti duhet të tentoj të përdor dhunë propocionale, aq sa të mos tremb as të vetët të vijnë më në protestë, përveç punonjësve të Bashkisë së Kamzës dhe çetës së Astirit. Do ti duhet të kthej sheshin para parlamentit në parlament të opozitës ku të artikuloj idetë e veta.
Nuk është e lehtë ta mbash gjatë këtë axhendë opozitare. Nuk ëhsët e lehtë të bësh figurantin agresiv, duke sharë nga nëna dhe motrat policët, se nuk është se të merr njeri seriozisht.
Rruga që ka nisur opozita, është ekstremisht e rrezikshme, mbi të gjitha për opozitën, pasi rrezikon të dal nga sistemi dhe të mos rikthehet më në orbitën e pluralizmit në Shqipëri. Ndaj ajo ka nevojë për ide që ta mbajnë atë në lojë, ta bëjnë një zëdhënëse të interesave opozitare, dhe të tërheqin vemendjen në sheshin para parlamentit jo si cuba k…derra, por si qytetarë të revoltuar.
Dalja nga parlamenti dhe djegia e mandateve, është një vendim I marrë nën presionin e Sali Berishës që ka frikë pikërisht atë që u miratua sot në parlament, dhe këtë Basha e ka pranuar dhe në biseda telefonike me zyrtarë të Uashingtonit. Nga ana tjetër është marrë dhe nën presionin e atyre që duan të ndryshoj kalasa politike në Shqipëri, duke nxjerr jashtë loje Partinë Demokratike në fillim, e më pas të majtën, për tu zëvendësuar me populistë të rinj.
Por tani që u bë, ajo do këllqe që të menaxhohet si projekt që mund të rimbaj në lojë Partinë Demokratike. Ajo parti duhet të sillet si parti që kërkon mbështetje qytetare, dhe që ti bind njerëzit për këtë me atë që do të bëj. Kolegu ynë Andi Bushati vlente për tu mbushur mendjen për të dal nga parlamenti për të mbështetur idetë e tij të majta radikale, dhe ja ka arrit kësaj dite. Tani vlerësojeni si Andi, jo si Androlog. Se nuk është çështje fuqisë seksuale marrja e pushtetit, pamvarësisht se thuhet që “pushteti do b…”. (Tema)
