Gjatë një konference me gazetarët, kreu i grupit parlamentar të LSI-së, Petrit Vasili ka akuzuar kryeministrin për situatën ekonomike, veçanërisht pas asaj që e quan heqja e ndihmës ekonomike për 20 mijë familje. Ai ka deklaruar se ska asnje te vertete për një “mosdakordësi” mes PD-së dhe LSI-së, duke shtuar që opozita ishte e unifikuar sa i përket qendrimeve edhe dje në Kuvend. Vasili po ashtu ka hedhur poshtë zërat për një takim të mundshëm të Monika Kryemadhit me kryeministrin Rama.
“Nuk ka pasur, nuk ka, dhe nuk do të ketë asnjë takim të zonjës Kryemadhi me kryeministrin e vendit. Zonja Kryemadhi ka pohuar dhe ka vendosur një standard, të cilin unë e përshëndes shumë fort, edhe si pjesëtar i politikës, transparencën absolute në takimet politike. Takimet transparente politike, të cilat janë një standard që ajo ka vendosur, është forma e cila u jep përgjigje të gjitha çështjeve, dhe përsa i takon pozicionimit, orientimit dhe luftës sonë, LSI dhe sigurisht bashkë me LSI-në Monika Kryemadhi që e udhëheq LSI-në, janë të vendosur shumë qartë në opozitë. Salla e parlamentit dje e tregonte mësë miri këtë gjë”,- tha ai.
ma.me
