Filmat vizatimorë janë miqtë besnikë të fëmijëve me anën e të cilëve ai mëson gjëra të reja, personazhe dhe fjalë të reja. Sipas pediatres dhe njëkohësisht psikologes së fëmijëve Vania Giorgetti, filmat vizatimorë që janë më tepër edukues për fëmijën, dhe njëkohësisht ndihmojnë në zhvillimin e tij janë si më poshtë:
• Pepa pig. Ky film ka në qendër një familje shumë të rregullt derkucash. Ka një gjuhë shumë të thjeshtë dhe është një ndër filmat më të dashur për fëmijët.
• Masha dhe ariu (Masha&Orso). Ariu është shumë i mirë dhe Masha një vajzë kapriçioze që tërheq vëmendjen e fëmijëve. Ky film vendos në dukje shumë evente familjare si ditëlindje, krishtlindje etj.
• Dora eksploruesja. Dëshira e kësaj vajze të vogël për të eksploruar botën e stimulon edhe fëmijën që e ndjek nga shtëpia.
• Pj masks. Janë tre fëmijë që ditën jetojnë si djem normale por natën veshin pizhamat e tyre dhe shndërrohen në superheronj. Ato luftojnë të keqen që kërcënon botën.
• Paw patrol. Ky film ka në qendër të vëmendjes një qen që luan rolin e zjarrfikësit dhe në ndihmë i vijnë edhe miqtë e tij policë. Këto personazhe i mësojnë fëmijës rëndësinë e të punuarit bashkë me të tjerët në mënyrë që të arrihen rezultate sa më të mira.
Krahas këtyre, klasifikohen edhe filmat vizatimorë klasikë të cilët zakonisht nuk preferohen vetëm nga fëmijët por edhe nga të rriturit. Ashtu siç shpjegon edhe doktoresha Giorgetti, përmbajnë brenda tyre të gjitha karakteristikat që i nevojiten një fëmijë për t’u zhvilluar në mënyrën e duhur. Nëse jeni në dilemë në lidhje me filmin që do të shikoni me fëmijën tuaj mund t’ju sygjeronim: Frozen, Peshkun Nemo, Pinokun, Hirushen./atsh/b.d
