Këshilltarja e LSI-së në Bashkinë e Tiranës Elona Guri ka shpërthyer në akuza në drejtim të deputetit të PS Xhemal Qefalia, pasi ky i fundit e paditi për shpifje.
Guri thotë se do përballet me fakte me Qefalinë dhe se do vërtetojë akuzat për abuzime nga ana e deputetit të PS.
“As uji i pishinave te kompleksi i Dajtit, nuk do t’i lajë zullumet e Xhemal Qefalisë. Në këtë gjyq jam në mbrojtje të interesave të qytetarëve dhe do përballemi me fakte. Qendrimi im do jetë në mbrojtje të interesave të qytetarëve dhe jo oligarkëve. Falenderoj Qefalinë për mundësinë që të vërtetoj shpërdorimet dhe lidhjet e paligjshme të ujit të pijshëm.”,- tha Guri.
PADIA
Deputeti i Partisë Socialiste Xhemal Qefalia paditi sot këshilltaren e LSI-së, Elona Guri në Këshillin bashkiak, për shpifje. Kjo e fundit e ka akuzuar deputetin socialist se ka vjedhur energjinë. “Ka lidhje të paligjshëm si rasti i Xhemal Qefalisë, që ka lidhje të paligjshme në bizneset e veta”, deklaroi ajo./a.m.
