Komisioni Qendror i Zgjedhjeve vendosi sot regjistrimin e listës së këshilltarëve të “Bindjes Demokratike” në bashkinë Libohovë.
KQZ rrëzoi vendimin e KZAZ-së nr 79 të bashkisë Libohovë, për mosregjistrimin e kandidatëve nga lista shumemërore të Partisë Bindja Demokratike, për shkak të mungesës së dokumentacionit.
Përfaqësuesi i Bindjes Demokratike, Fabian Topallaj, pretendoi se dokumentacioni është dorëzuar i plotë në KQZ, brenda afatit.
Pas kontrollit në protokollin e KQZ, dokumentacioni i munguar u gjet dhe KQZ mori vendim qe të detyrojë KZAZ nr. 79 që të regjistrojë listën shumemërore për këshillin bashkiak të Bindjes Demokratike për bashkinë Libohovë.
/a.rada
