Korporata Energjetike e Shqipërisë ka shfrytëzuar në mënyrë maksimale prurjet e saja e cila vetëm në maj ka arritur rekord duke bërë që nga eksporti i tepricave të përfitohet rreth 8.2 milion euro vetëm në javët e para të këtij muaji.
Sipas KESH, në hidrocentrale po punohet me të gjitha kapacitet e mundshme duke rritur prodhimin ditor të energjisë në rreth 20,000 Mwh. Që prej datës 1 maj, KESH po mbulon gjithë kërkesën e vendit për energji elektrike, përfshi humbjet e OSHEE-së në rrjetin e shpërndarjes që vlerësohen rreth 84,480 Mwh apo 2.2 milion euro.
Aktualisht, KESH ka hapur një tjetër procedurë shitje energjie për periudhën 18-22 maj. Duke qenë se jemi në stinën e pranverës edhe nevojat e vendit për energji janë më të vogla në krahasim me disa muaj me parë.
Kjo gjë e ka transformuar sektorin energjetik në një sektor fitim prurës, i cili natyrisht ka efekte pozitive edhe në bilancin tregtar të vendit si dhe në të ardhurat në buxhet./a.m.
