Sekretari amerikan i Shtetit, John Kerry, do të qëndrojë sot në Bruksel dhe Londër për të biseduar rreth daljes së Britanisë së Madhe nga Bashkimi Evropian.
Të dielën në Romë, ai i ka bërë thirrje Britanisë dhe BE-së që të punojnë së bashku për të qetësuar tregjet, pasi dalja e Britanisë nga blloku evropian ka shkaktuar ankth në mesin e investitorëve në gjithë botën.
Po sot, kryeministri britanik, David Cameron, i cili ka thënë se do të japë dorëheqje këtë vjeshtë, do t’i adresohet Parlmentit britanik.
Presidenti i Bashkimit Evropian, Donald Tusk, do të takojë po ashtu presidentin e Francës, François Hollande, dhe kancelaren gjermane, Angela Merkel.
Monedha britanike sterlina ka vazhduar të humbë në vlerë edhe sot.
Të premten, sterlina ka pasur rënien më të madhe njëditore kundrejt dollarit – në një fazë ajo ka rënë në 1,3236 $.
rel/d.i.
