Sekretari Amerikan i Shtetit John Kerry ka shprehur urimet e tij me rastin e 28 nëntorit, duke thënë në mesazhin e tij se SHBA mbështet fuqimisht integrimin e Shqipërisë në BE. Kerry shkruan në urimin e tij për 104 vjetorin e pavarësisë së vendit, se Shqipëria është një forcë në rritje për sigurinë rajonale dhe globale.
“Ne vlerësojmë gjithashtu angazhimin tuaj të fortë për luftën kundër ekstremizmit të dhunshëm dhe nxitjen e paqes në të gjithë Ballkanin Perëndimor. Shtetet e Bashkuara presin vazhdimin e bashkëpunimit, sidomos në mbështetje të progresit të Shqipërisë drejt anëtarësimit në Bashkimin Evropian”- thuhet në mesazhin e sekretarit John Kerry.
Shtetet e Bashkuara, thuhet në mesazh, çmojnë thellë ndihmesën e Shqipërisë për Koalicionin Global në Luftën Kundër ISIS-it, për Operacionin Mbështetja e Vendosur dhe për KFOR-in.
“Shqipëria është një forcë në rritje për sigurinë rajonale dhe globale. Shtetet e Bashkuara presin vazhdimin e bashkëpunimit, sidomos në mbështetje të progresit të Shqipërisë drejt anëtarësimit në Bashkimin Evropian”./java/a.k
