Gjykata e Apelit Tiranë, ka lënë në fuqi vendimin e shkallës së parë të gjyqësorit, për pesë të arrestuarit si të përfshirë në rrëmbimin dhe vrasjen e Jan Prengës.
Teksa të pandehurit, Leonard Hajri, Bajram Hajri, Elton Hajri, Festim Bexhdili dhe Olsi Turja mohojnë përgjegjësinë në krim dhe kërkojnë të hetohen në liri, kjo kërkesë e tyre është rrëzuar në seancën e sotme.
Jan Prenga 49-vjeçari i rrëmbyer në Kamëz paraditen e 17 janarit, dyshohet se ka gjetur vdekjen nga torturat e pësuara nga rrëmbyesit, të cilët e kanë qëlluar edhe me thikë, ditën kur u mor me forcë.
Ai u mor me forcë në një makinë Range Rover të bardhë, e cila rezultoi se i ishte vjedhur një këngëtareje dhe që më tej u dogj në fshatin Shkallnur të Durrësit.
Pas rrëmbimit ai u dërgua në resortin “Golden” në Xhafzotaj të Shijakut, i cili rezulton në pronësi të Altin Hajrit dhe babait të tij Bajram Hajri.
Kamerat e sigurisë në objekt kanë fiksuar se si Prenga ka hyrë i gjallë ndërsa më tej e kanë zhveshur dhe lidhur, ku dhe e kanë torturuar.
Pamjet kanë treguar se ka Prenga bërë rezistencë teksa tentonin ta lidhnin, ndërsa dyshohet se aty e kanë qëlluar me thikë. Pikërisht hemorragjia e shkaktuar nga plaga, dyshohet se i ka marrë jetën.
Më tej ai është nxjerrë i pajetë nga resorti i mbështjellë me palastmas të zi. Kamerat kanë fiskuar edhe disa persona me lopata në duar në një fugron ku u fut kufoma, të cilët dyshohet se janë edhe personat që kanë groposur trupin e pajetë.
Po ashtu të dyshuarit janë fiksuar teksa pastrojnë ambientin nga njollat e gjakut, në mënyrë që të zhduknin provat.
Resorti ku ndodhi ngjarja është vendosuir nën sekuestro, ndërkohë që nuk ka ende gjurmë nga trupi i Prengës.
g.kosovari
