Ministria e Brendshme e Gjermanisë ka dalë në një deklaratë për shtyp për të folur mbi fenomenin e azilkërkuesve nga Shqipëria dhe Kosova.
Ministri Thomas De Mazire, u shpreh se fluksi më i madh i azilkërkuesve është nga Kosova me 27.767 kërkesa të regjistruara për azil.
Nga ana tjetër ministri gjerman ka shprehur shqetësimin se Mesdheu është kthyer në një urë për emigrantët.
Sa i përket Shqipërisë, është në vendin e parë të azilkërkuesve të regjistruar për muajin prill. Janë plot 4794 kërkesa për azil të bëra vetëm gjatë muajit prill nga Shqipëria
Totali sipas ministrisë së brendshmë gjermane është 11.292 azilkërkues nga Shqipëria.
Ministri gjerman në fund të deklaratës u shpreh se ka nëvojë për përgjigje të tjera mbi fenomenin e eksodeve dhe kërkimit të azilit.
