Arrestohet Kryeinspektori i Inspektoriatit Ndërtimor në Bashkinë e Lushnjes, Laver Dupi. Sektori për Krimin Ekonomik e Financiar në Drejtorinë Vendore të Policisë Fier në bashkëpunim me Prokurorinë Lushnje, pas një hetimi dy javor, të nisur menjëherë pas një denoncimi të bërë në emisionin investigativ “Fiks Fare”, bënë arrestimin e 52 vjeçarit.
Gjykata e Shkallës së Parë Lushnje pas kërkesës së Prokurorisë dha masën e sigurisë “Arrest me burg” për këtë shtetas pasi i ka kërkuar 100.000 lekë shtetases me iniciale N.Sh, për ekzekutimin e një vendimi gjyqësor. Pak ditë më parë, kreu i Bashkisë pati deklaruar largimin e Dupit nga detyra pas denoncimit në emisionin investigativ.
Denoncimi: Drejtori kërkoi 1 mln lekë dhe perde të reja për shtëpinë. Një milion lekë për ekzekutimin e vendimit të gjykatës dhe kompletimi i shtëpisë me perde të reja. Ky është pazari që bën drejtori i IMTV-së së Lushnjës, Dilaver Dupi, me një qytetare në këtë qytet, e cila prej vitesh është duke kërkuar nëpër dyert e gjykatave dhe të Bashkisë së Lushnjës pronën që i ka lënë babai. (javanews.al /r.a)
