Socialistët rrëzojnë amendamentet ligjore të Erion Braçes për TVSH në bujqësi që të barazohej në hyrje dhe dalje në 20%.
Erion Braçe, prej vitit 2019 në Komisionin e Ekonomisë, ka propozuar barazimin e TVSH në hyrje dhe dalje. Sipas tij, kjo politikë financiare është zgjidhja e fermerit që të mposhtë produktin e importit duke e bërë atë më konkurrues në treg.
TVSH 0% për bujqësinë u vendos gjatë viteve 2018-2019, në atë kohë Ministria e Financave drejtohej nga Arben Ahmetaj. Ky ndryshim vjen pas kërkesave të shumta të fermerëve, mbetet për t’u parë se sa efektive do të jetë, duke qenë se varianti i aplikuar më parë prej 6% TVSH nuk solli rezultate pozitive në sektorin e bujqësisë dhe blegtorisë.
Me 84 vota pro miratohet projektligji për të ndryshuar ligjin “Për tatimin mbi të ardhurat”, ku parashikohet një sërë lehtësish fiskale për sponsorizimet në sport si dhe në fushën e zhvillimit dhe kërkimit, si dhe për herë të parë vendoset si detyrim për bizneset online të deklarojnë NIPT-in në faqet e tyre.
Socialistët rrëzuan një amendim të Erion Braçes, ndërsa kreu i grupit parlamentar socialist Taulant Balla premtoi që në seancat në vijim do të kishte propizime ligjore nga Ministria e Financave dhe Ministria e Turizmit, Sportit dhe Kulturës për të ndryshuar “Ligjin për sponsorizimet”.
Projektligji “Për sistemin e taksave vendore”, parashikon të përjashtojë të gjitha investimet të financuara nga buxheti i njësive të qeverisjes qendrore dhe vendore, të ndërtimeve për qëllime publike në fushën e arsimit, shëndetësisë dhe mbrojtjes sociale nga taksa e ndikimit në infrastrukturë.
