1 në 10 fëmijë në Shqipëri janë viktima të dhunës seksuale. Interneti është kthyer një shqetësim madhor, ku shpesh fëmijët dhe adoleshentet bien viktima të krimeve seksuale. Shoqëria Civile kërkon krijimin e një task-force speciale për mbrojtjen e fëmijëve nga dhuna seksuale.
Një 11 vite janë 917 autorë të dyshuar për këtë krim. Prej tyre në 71% të rasteve prokuroria ka ngritur akuzë, ndërsa gjykata ka dënuar 44% të tyre.
Ajo që Shoqëria Civile kërkon nga shteti është krijimi i një taskë force speciale vetëm për këtë vepër penale.
“ Kërkesa jonë për Kuvendin është të ngremë sa më shpejt të jetë e mundur regjistrin për krimet seksuale në Shqipëri. E dyta, ka nevojë që Shqipëria të ketë një task forcë tepër të organizuar për të ndjekur krimin nga momenti që raportohet deri në momentin që gjykata jep vendimin”, thotë Altin Hazizaj.
Të marra nga dëshmitë e viktimave të kësaj vepre penale, gjatë prezantimit të raportit u transmetua edhe historia e një adoleshenteje, e cila kishte rënë pre e abuzimeve në rrjetet sociale.
“Miqtë e mi më dhanë linkun ku ishin shfaqur këto pamje filmike. Shikoja që ishte fotoja ime në video të papërshtatshme dhe fillova u shqetësova jashtëzakonisht shumë”, rrëfeu ajo.
Në tryezën e diskutimeve është kërkuar të ndryshohet forcimi i ligjit ndaj këtyre veprave penale dhe krijimi i një regjistri të posaçëm për këtë krim. /e.s/
