Një francez i kërkuar për vrasje në vendin e tij është arrestuar në Shqipëri. Në bashkëpunim me Interpolin është arrestuar francezi me inicialet T. Q. 27 vjeç, lindur dhe banues në Nantes.
Sipas policisë, Gjykata e Nantes më datë 23.10.2019 i ka caktuar masën e sigurisë ”Arrest në burg” për vrasje, grup të strukturuar kriminal dhe armëmbajtje, ku rrezikon dënimin e përjetshëm.
Ai akuzohet se ka vrarë me pistoletë një person dhe më pas është larguar në drejtim të vendit tonë, ku ka hyrë me dokumentacion të rregullt para se të shpallej në kërkim ndërkombëtar, sipas policisë shqiptare.
Tashmë pritet që të ekstradohet drejt Francës.
/a.r
