Policia njofton se Komisariati Nr 3 i Tiranës ka bërë të mundur kapjen e shtetasit Armand Meta, 23 vjeç, banues në kryeqytet.
Mësohet se ky shtetas është shpallur në kërkim në qershor 2016, pasi Prokuroria pranë Gjykatës shkallës parë Tiranë, ka dërguar vendimin penal të datës 16.06.2016 të Gjykatës së Rrethit Gjyqësor Tiranë, e cila ka caktuar masën e sigurisë “Arrest me burg”, për veprat penale “Vrasje me dashje, mbetur në tentativë” dhe “Prodhimi dhe mbajtia pa leje e armëve dhe municionit luftarak”, parashikuar nga Nenet 76-25-22 dhe 278/2 të Kodit Penal.
Ky shtetas më datë 01.06.2016, në Shkozë Tiranë, ka tentuar të vrasë me armë zjarri shtetasin O. Gj.
