Një operacion i policisë së Durrësit i koduar “Ekstradimi” ka vënë në pranga një person të kërkuar nga drejtësia italiane.
Pasditen e kësaj të enjteje u bë arrestimi me qëllim ekstradimi drejt Italisë, i një të shumëkërkuari për trafikim të drogave të forta dhe pjesëmarrje në organizatë kriminale.
Pas informacioneve të marra në rrugë operative dhe një punë të mirëorganizuar, u bë kapja me qëllim ekstradimi drejt Italisë e Skënder Jusufit, banues në Durrës.
Jusufi ishte shpallur në kërkim ndërkombëtar nga Interpol Roma, pasi Gjykata e Cagliarit, Itali, me vendimin Nr.7855/17, datë 17 korrik 2019 ka caktuar masën e sigurisë “Arrest me burg” për veprën penale “Drogë, kokainë, organizatë kriminale” parashikuar nga Kodit Penal Italian.
Interpol Tirana në bashkëpunim me Interpol Romën po vijon veprimet për ekstradimin e tij drejt Italisë.
/a.r
