Leonardo Bonuçi u rikthye te Juventusi pasi kaloi një vit si kapiten i Milanit.
Mbrojtësi italian u kritikua gjatë për zgjedhjen që bëri, duke vendosur të largohej nga klubi ku fitoi shumë trofe dhe iu drejtua rivalëve kuqezi.
Tifozët e Juventusit nuk e kanë kaluar lehtë largimin e Bonuçit dhe mbajë ende mëri mbrojtësin 30-vjeçar.
Në stërvitjen e sotme të “Zonjës”, ishin të pranishëm dhe shumë tifozë. Sapo Bonuçi erdhi, dikush u dëgjua të thotë: “Kërko falje! Kërko falje që u largove!”
Mendohej se Bonuçi do ta kalonte pa u përgjigjur këtë situatë disi të tensionuar, por italiani vendosi të përgjigjej:
“Nuk kërkoj falje këtu! Do të më shikoni në fushë”
“Lufta” e Bonuçit për t’i rifituar tifozët juventinë duket shumë e vështirë për tu fituar, por mbrojtësi është mësuar me sfida të tilla./a.m.
