Në shpjegimin e tij të gjatë për tensionet e javës së kaluar mes dy vendeve, Kryeministri Rama i ka kërkuar Greqisë që të shfuqizojë Ligjin e Luftës me argumentin se kjo “mbetje” e vjetër ligjore krijon pasoja konkrete për qytetarët shqiptarë. Në vijim Rama ka prekur çështjen çame, duke thënë ajo është njëçështje që i takon Shqipërisë dhe jo ankesave të Greqisë.
Rama ka “këshilluar” Greqinë (duke ju drejtuar Dules) që përpara se të merren me çështjen e Himarës, duhet të fokusohen në problemet e tyre, një apelim që kryeministri e thirri përmes një shprehje.
Ka një shprehje të bukur populli ynë dhe besoj e ka dhe populli grek që thotë para se të marrësh fshesën e të fshish pragun e tjetrit, fshi më mirë pragun para vetes.
Apo më bukur që e thotë Ungjilli, shohin udhërrëfyesin e tyre, para se të shohësh ashklën në syrin e tjetrit, hiq traun në syrin tënd.”
Për Ligjin e Luftës
“Shqipëria nuk ka pasur ndonjë pretendim territorial por kërkon të ketë një nivel sa më të lartë miqësie. Në histori gjen më shumë histori që na bashkojnë se na ndajnë. E shkuara nuk mund të jetë një pengesë për të ardhmen e përbashkët të popujve dhe vendeve tona. Zgjidhjet e bashkuara në rregulla ndërkombëtare dhe në kulturën ndërkombëtare janë për të dyja. Së pari do të donim që lufta të mbarojë. Duam të shfuqizohet dekreti mbretëror 2636/1940 i cili e konsideron gjendje lufte marrëdhënien me Greqisë dhe Shqipërisë.
Por, nuk është një mbetje por një akt që prodhon pasoja konkrete për qytetarët shqiptarë. Nëse do që ti quajmë çam, s’ka problem. Është çështje e Shqipërisë, për shqiptarët. E drejta e njeriut, e drejta për të kërkuar pronën është e gjithë ajo që quhet çështja çame. Ne kërkojmë këtë dhe vetëm këtë”, theksoi Rama.
Për çështjen Çame
“Nëse s’do që unë quhem çam, s’ke qejf nuk ka gjë, jam qytetar shqiptar, nëse nuk të pëlqen çështja çame, është çështje shqiptare, është çështje e Shqipërisë. E drejta për lirinë e lëvizjes, e drejta për pronën, kjo është ajo që quhet çështja Çame dhe asnjë gjë tjetër. Dhe e thënë kjo, thuhet ne kërkojmë këtë dhe vetëm këtë ndërkohë që marrim vërejtje për vërejtje për mosrespektim e shkelje nuk është mbi ne, nuk ka qenë ndonjëherë mbi Shqipërinë, nuk ekziston prej 3 vitesh, të siguroj as prej 30 vitesh madje dhe prej 300 vitesh… Komision, komitet, organizëm, Trojkë, Gjykatë Kombëtare që të ketë njohur përshembull ekzistencën e një minioriteti grek mes Kurveleshit dhe maleve të Akreule, që siç e di Vangjeli është emri antik i Himarës. Ku sipas mitologjisë, një perëndi pasi u godit nga rrufetë polli dy hyjni, kaosin e përçarjen. Himarë janë bërë, bëhen dhe do bëhen shkëmbime ekonomike dhe mbase do thuhen dhe u thënçin gjithmonë liturgji në gjuhën e Shën Gojëartit, por sic thoshte i paharruari Petro Marko veç në shqip do këndohet thuhen gëzimet dhe do të thuren vajtimet e nënove sepse kështu ka qenë dhe kështu do të jetë e shkruar gjithmonë”./java/a.k
