Mazhoranca rrëzoi kërkesën e grupit parlamentar të PD për interpelancë dhe mocion me debat me Edi Ramën, lidhur me çështjen e Ahmetaj.
Kjo ka shkaktuar ditën e sotme tension në Kuvend, ndërsa kreu i qeverisë ndodhej në jug duke inspektuar punimet e rrugës, ndërsa opozita e kërkonte në sallën e Parlamentit.
Analisti Dritan Hila i ftuar sot në “Open” tha se Rama e ka marrë përgjegjësinë politike, ndërsa shton se kërkesa e opozitës duket më shumë si për të bërë show, sesa si për të zgjidhur diçka mbi këtë çështje.
“Çështja Ahmetaj kërkon një hetim, është përtej interpelancës. Ka kosto politike sepse është numri dy i qeverisë që është arratisur.
Është ndër aktet e turpshme, që Rama e ka ditur shumë mirë se kush ka qenë ky. Është hequr nga Nano për shkak të përfoljes së tij për korrupsion. Rama ka përgjegjësi politike për të, por nuk mund të zgjidhet në parlament ku opozita kërkon të bëjë spektakël.
Është momenti të bëhen disa ndryshime në ligj që të mos na ikin të tjerë. Rama e ka marrë përgjegjësinë politike, i ka ikur numri 2 i qeverisë.
Tani hajde flasim si rregullohen punës, Berisha do të bëjë spektakël, dhe nuk jem zgjidhje. Dhe kjo thellon akoma mos-hetimin e kësaj çështjeje”, tha Hila./m.j
