Këta janë dy vëllezërit Bejko që kërcënuan me vetëvrasje këtë paradite në lagjen nr. 11 të Durrësit. Shkak është bërë kthimi i banesave të tyre tek ish-pronarët. Përmbarimi i ka kërkuar dy familjeve që të dalin nga banesat dhe t’ua kthejnë ato ish-pronarëve.
Por këta banorë pretendojnë që dokumentacioni është fals dhe nxjerrja e tyre është e paligjshme.
Për këto arsye, dy vëllezërit Bejko deklaruan se nëse do t’i nxirrnin jashtë shtëpisë do të vetëvriteshin duke u hedhur nga tarraca e pallatit.
Të dy ata qëndruan në tarracë (siç duket edhe nga fotot) për rreth një orë, ndërsa në vendin e ngjarjes shkuan edhe forcat e policisë.
Por fatmirësisht, vëllezërit Bejko pasi i dhanë zë shqetësimit të tyre dhe ngjarja u bë publike, zbritën nga tarraca e pallatit shëndoshë e mirë.
Sakaq, mesohet se dy vellezerit i kishin derguar nje sms kryeministrit Edi Rama nje dite me pare.
“Z. Rama ju ftoj nesër të shikoni në TV kryesore pragtragjedinë e 2 familjeve në lagjen 14 në Durrës të cilat do të nxiren me forcë nga banesa që jetojmë prej 38 vjetësh. Unë ju them ndaleni këtë”, thuhet ne mesazhin derguar prej vellezerve raporton Panorama.
REAGON POLICIA
Sot, më datë 05.09 2017, në orën 10:00, bazuar në kërkesën e Zyrës Përmbarimore Shtetërore Nr. 03/5116, datë 30.08.2017, e cila kërkon mbështetjen nga Policia e Shtetit, për ekzekutimin e “Urdhërit të Ekzekutimit” Nr. 677, datë 07.10.2016 të lëshuar nga Gjykata e Rrethit Gjyqësor Durrës, për Titullin Ekzekutiv Nr.302, datë 05.20.2016 të Entit Kombëtar të Banesave, Efektivet e Policisë Durrës u paraqitën në vendin e ekzekutimit, në Lagjen Nr.11, Rruga “Baki Çela”, Pallati Nr. 204, Durrës, së bashku me Përmbaruesin Shtetëror dhe përfaqesues të Njësisë Administrative Nr.2.
Efekivet e Policisë mbërritën në adresën e mësipërme ku konstatuan se shtetasit D.B. dhe S. B, kishin hipur në tarracën e banesës duke kërcënuar se do të hidheshin nëse do vazhdohej të ekzekutohej vendimi.
Të ndodhur në këto kushte Përmbaruesi Shtetëror vendosi pezullimin e veprimeve për ekzekutim për momentin deri në qetësimin e situatës.
Sqarojmë se Policia në raste kur kemi ekzekutim vendimi nga ana e përmbarimit ka rol mbështetës, duke u marrë me vlerësimin e situatës, zbatimin e vendimit pa pasoja si dhe në funksion të parandalimit të ndonjë ngjarje të rëndë.
FOTOT/ Durrës, dy vëllezër hipin në tarracën e pallatit dhe kërcënojnë se do të hidhen
Dy persona (vellezer mes tyre ) kercenojnë se do te hidhen nga lartesia ne Durres. Ata kanë hipur ne tarracen e pallatit pasi permbarimi po nxjerr familjen e tyre nga shtepia (e ish- pronareve). Por këta banorë pretendojnë që dokumentacioni është fals dhe nxjerrja e tyre është e paligjshme.
Njoftimi i Policisë:
Dy banorë në lagjen nr. 11 të qytetit të Durrësit deklarojnë se do të vetëvriten.
Shkak është bërë kthimi i banesave të tyre tek ish-pronarët.
Përmbarimi i ka kërkuar dy familjeve që të dalin nga banesat dhe t’ua kthejnë ato ish-pronarëve.
Por këta banorë pretendojnë që dokumentacioni është fals dhe nxjerrja e tyre është e paligjshme.
Për këto arsye, ata kanë deklaruar se nëse do t’i nxjerrin jashtë shtëpisë do të vetëvriten duke u hedhur nga pallati
