Tre të rinj në bashkëpunim me njëri-tjetrin kanë kërcënuar me jetë shtetasin E.K. Policia ka arrestuar Shkelzen Hajdarin, 23 vjeç, banues në Tiranë si dhe ka shpallur në kërkim J. S., 23 vjeç, banues në Tiranë, i dënuar më pare dhe A. N., 21 vjeç, banues në Tiranë.
J.S., më datë 28.12.2016, ka telefonuar shtetasin E. K., duke e kërcënuar dhe i kërkuar takim. Pasi janë takuar J. S., ka ardhur me mjetin tip “Volkswagen”, sëbashku me shtetasit A. N. dhe Shkelzen Hajdari, dhe ka vazhduar kërcënimet e tij kundrejt shtetasit E. K. ku dhe dyshohet të ketë nxjerrë nga brezi një armë zjarri tip pistoletë dhe e kanosur me jetë E. K., armë të cilën ja ka dhënë A. N., e më pas janë larguar me mjetin e tyre.
Në bazë të kallëzimit të kryer nga E. K., janë angazhuar shërbimet e Komisariatit të Policisë Nr 5, të cilët kanë bërë të mundur gjetjen dhe kapjen e shtetasit Shkelzen Hajdari, si dhe shpalljen në kërkim të dy autorëve të tjerë të kësaj vepre.
Materialet procedurale i’u kaluan Prokurorisë pranë Gjykatës së Shkallës së Parë Tiranë, për veprën penale “Mos kallzim të krimit”, parashikuar nga Neni 300 i Kodit Penal në ngarkim të Shkelzen Hajdari, dhe për veprën penale të “Kanosja”, parashikuar nga Neni 84 i Kodit Penal, në ngarkim të shtetasve J. S. dhe A. N.
shqiptarja.com/d.i.
