Në PD ka një heshtje “vrastare” për fitoren e Lulzim Bashën, në garën e pabarabartë të zhvilluar ditën e dielë për postin e kryetarit!
Deri më tani asnjë prej figurave të kësaj partie nuk e ka uruar Bashën për mandatin e tij të tretë në krye të demokratëve, përpos dy rivalëve Agron Shehaj dhe Fatbardh Kadilli.
Por dhe urimi i tyre ka qenë me tepër “spondë” teksa i kanë kujtuar jo vetëm garën e pabarabartë, por dhe faktin se në ndryshim prej tij që nuk njeh asnjëherë humbjen, përfshirë dhe atë përballë Ramës më 25 prill, ata e njohin rezultatin e 13 qershorit!
Por ka habitur ish kryeministri Sali Berisha, i cili nuk e ka uruar Lulzim Bashën për fitoren e thellë në zgjedhjet e ditës së dielë.
Pavarësisht një takimi kokë më kokë ditën e zgjedhjeve në zyrën e kryetarit, me sa duket ka renditur dhe garancitë që kërkon nga lideri i rikonfirmuar Basha, Sali Berisha ka heshtur në mënyrën më shembullore të mundshme.
Me sa duket Basha është duke u menduar nëse do të marrë në mbrojtje bashkë me PD liderin historik Berisha në përballjen me SHBA pasi është shpallur “non grata” në DASH dhe që me shumë gjasa, do të jetë dhe “mënyja” më e afërt e drejtësisë së re shqiptare për korrupsion dhe vepra të tjera.
Deri sa Basha ta ndajë mendjen, Berisha ka vendosur të heshtë për fitoren e Bashës për një mandat të tretë në krye të PD, ndërkohë që nuk do të mungojnë deklaratat se i qëndron idesë së rikthimit në krye të PD./JavaNews-m.j
