Të kërcënosh dhe të terrorizosh me një pistoletë lodër, kjo është e pazakontë, por jo e pamundur.
Një ngjarje e tillë është regjistruar pasditen e djeshme në Kamëz, ku një 57-vjeçar ka kërcënuar me armë një 43-vjeçar me inicialet D.O.
Efektivët e policisë të cilët kanë vënë re konfliktin në rrugë kanë ndërhyrë për të parandaluar përshkallëzimin e kësaj ngjarjeje.
Dhe ajo që ata kanë zbuluar ishte se 57-vjeçari po kërcënonte me një pistoletë lodër.
Ai tashmë akuzohet për veprën penale ‘Kanosje’ parashikuar nga Neni 84 i Kodit Penal.
