Avioni i përdorur nga Vladimir Putin dyshohet se flututuarnga Moska në Shën Petersburg. Pas disa kohësh, avioni është zhdukur nga radari, që me shumë gjasa do të thotë se ka fikur pajisjet gjurmuese. Nuk dihet nëse Putin ishte në aeroplan. Peskov njoftoi më parë se Putin është në Moskë dhe punon në Kremlin.
Harta e lëvizjes së supozuar të avionit u publikua nga Jason Jay Smart, një analist dhe korrespondent i Kyiv Post, me fjalët: Putini dëshiron të luajë kukafshehti me Prigozhin.
Më herët gjatë ditës së sotme, Putin, duke komentuar rebelimin e grupit paraushtarak “Wagner”, tha se kushdo që ka marrë armët kundër ushtrisë është tradhtar, duke shtuar se ai do të ndërmarrë hapa vendimtarë për të stabilizuar situatën në Rostov-on-Don. Po ashtu, ai ka kërkuar nga anëtarët e “Wagner” që të ndalojnë “veprimet kriminale”.
Çfarë po ndodh në Rusi?
Grupi Wagner, pas kërcënimeve të shumta i ka shpallur zyrtarisht luftë Kremlinit dhe drejtuesëve të Rusisë. Thirrja për ‘kryengritje’ erdhi pasi Yevgeny Prigozhin, pretendon se ushtria e Moskës vrau një grup mercenarësh të tij gjatë një sulm në një kamp.
Prigozhin ka nisur kryengritjen e tij nga qyteti Rostov-on-Don, pranë kufirit me Ukrainën, ku banorëve u është thënë të qëndrojnë brenda. Presidenti rus, Vladimir Putin e ka cilësuar si një thikë pas shpine, rebelimin e tij, ndërsa ka mohuar rrezikun e një grushti shteti. Putin ka pranuar se situata në qytetin jugor të Rostov-on-Don, të marrë nga Wagner, mbetet e vështirë. Në qendër të Moskës kanë dalë në rrugë tanket dhe janë rritur masat e sigurisë dhe të gjitha objektet e rëndësishme janë nën vëzhgim./m.j
