Çmimi i naftës ka prekur nivelin e tij më të lartë që prej vitit 2014 sot, pasi retorika për një luftë të mundshme në Lindjen e Mesme e ka destabilizuar tregun ndërkombëtar. Dita nisi me presidentin Donald Trump që kërcënoi në rrjetete sociale se do të ndërmarrë një sulm raketor në Siri në përgjigje ndaj raportimeve të një sulmi kimik nga forcat qeveritare më herët gjatë javës.
Më vonë, mbrojtja ajrore e Arabisë Saudite raportoi se interceptoi disa raketa që po drejtoheshin për nga kryeqyteti i saj Riad. Arabia Saudite është mbrojtur javët e fundit nga raketat e lëshuara nga rebelët houthë të jemenit, të mbështetur nga Irani. Çmimi i naftës u rrit me mbi 2% në mesditë, duke shkuar në 67 dollarë për fuçi për herë të parë që prej dhjetorit 2014, raporton CNN.
