Pas deklaratave të kryedemokratit Basha drejtuar qytetarëve për të reaguar ashpër ndaj atyre që i shkelin të drejtat, kanë ardhur edhe reagime të ndryshme. Deputeti socialist Arben Çuko ka reaguar ashpër pas deklaratave të Bashës për “kaos”, duke u shprehur “Mos or trim, po i hap një gropë të madhe vetes”.
Deputeti Çuko thotë se këto deklarata për destabilitet, kreu i opozitës po dëmton jo vetëm vendin, por edhe veten. Përmes një postimi në rrjetin social “Facebook”, deputeti socialist i bën thirrje Bashës që të ulë tonet, dhe të mos krijojë kaos në vend, por të presë përgjigjen e zgjedhjeve të 18 qershorit.
“Ky njeri ( Lulzim Basha) po bën thirrje për anarki dhe kaos ne vend. Me duket se è ka gojën shume me te madhe se stomaku dhe mendja. Me këto thirrje për destabilitet nuk bën gjë tjetër veçse i hap një grope te madhe vetes. Mos or trim mos e kalo at prag. Mua me duket qe ai e di qe do rrihet përsëri me mbi një milion shuplaka dhe qan pa u rrahur akoma. Prit Luli, duro, pas 18 qershorit fillo dhe qaj”, tha deputeti Çuko.
