Ambasadorja amerikane Yuri Kim është paraqitur këtë të enjte në Prokurorinë e Posaçme rreth orës 12:00, ku ka zhvilluar një takim me prokurorët e kësaj strukture dhe me drejtuesin Arben Kraja.
Nuk dihet arsyeja e vizitës së Kim pranë ambienteve te SPAK. Ajo ka qëndruar për rreth 30 minuta.
Takimi i fundit i Kim me Krajën ka qenë më 13 shtator, përsëri në të njëjtën kohëzgjatje qëndrimi. Edhe para një muaji arsyeja e vizitës nuk u bë me dije.
Kreu i SPAK Arben Kraja, në një deklaratë për mediat pak ditë më parë tha se ka indicie që prokurorë e gjyqtarë që hetojnë dosje me personazhe të fuqishëm janë kërcënuar.
”Ka indicie që prokurorë e gjyqtarë që hetojnë dosje me personazhe të fuqishëm, janë kërcënuar, por ka pasur dhe presione”- tha Kraja.
Kraja përfundon mandatin në 18 dhjetor ndërsa në 2 nëntor 2022 përfundon afati për dorëzimin e kandidaturave të tjera për këtë post.
/s.f
