Sulmuesi i Torino dhe përfaqësueses së Italisë, Andrea Belotti, ka shkuar 22 gola deri më tani në Serie A dhe po lufton me Leo Messin për “Këpucën e Artë”.
Andrea Belotti, i cili mbushi 23 vjet në dhjetor të vitit që lamë pas, është duke shkëlqyer me fanellën e Torinos. Ai në ndeshjen e fundit e ndihmoi Torinon të fitojë 3:1 ndaj Palermos, i cili shënoi tre gola, shkruan Gazeta Express.
Pas këtyre tre golave, ai ka quar shifrat në 22 finalizime deri më tani në Serie A në vetëm 24 paraqitje, i cili gjithashtu ka humbur edhe tri penallti.
Golat për Këpucën e Artë kanë koeficiente të ndryshme në top pesë ligat Evropiane, që gjithashtu numërohen edhe në bazë të vështirësisë dhe mënyrës që shënohen golat. Kështu Belotti renditet i dyti në garën për Këpucën e Artë, menjëherë pas Leo Messit.
22 golat e Belottit në Serie A vlejnë 44 pikë, derisa ato 23 të Leo Messit në La Liga – vlejnë 46 pikë.
Në vendin e tretë gjendet Pierre-Emerick Aubameyang i Borussia Dortmund, 21 golat e tij në Bundesliga vlejnë 42 pikë.
Sulmuesi i Paris Saint-Germain, Edinson Cavani, renditet vetëm i katërti, pavarësisht se ka shënuar 26 gola në Ligue 1, pasi vlejnë vetëm 40.5 pikë.
Edin Dzeko, Gonzalo Higuain, Robert Leëandoëski, Luis Suarez dhe Harry Kane ndajnë vendin e pestë me nga 19 gola, që vlejnë 38 pikë.
Duke parë formën nëpër të cilën po kalon Leo Messi, duket se po shkon sigurt drejt Këpucës së katërt të Artë, aq sa ka edhe Cristiano Ronaldo, i cili momentalisht gjendet larg golashënuesve më të mirë, që ka shënuar vetëm 18 gola, citohet ”Express”. (b.an)
