Ylli Manjani, i cili vinte nga radhët e LSI-së, i ka drejtuar kritika të forta sot kryetares aktuale të kësaj force politike, Monika Kryemadhi.
Në një postim në rrjetet sociale, Manjani shkruan se në pesë vite në krye të LSI-së, Kryemadhi vetëm kërkon falje.
Sipas Manjanit, ndjesë nuk mjafton, dhe opozita duhet ribërë nga fillimi.
“Monika ka hyrë në vitin e pestë në krye të LSI dhe vetëm kërkon ndjesë. Ndjesë për LSI e Ilirit e ndjesë për LSI e vet.
Ndjesa zakonisht pranohet, por që “djegia e mandateve dëmtoi opozitën” nuk më bind shumë.
Faktet ulërasin se ajo e kjo opozitë që është sot, si në parlament ashtu edhe jashtë tij e kishte dhe ende e ka shejtanin brënda.
Më mirë djepi bosh se shejtani brenda- thonë mirditorët.
Ndaj them se më shumë sesa djegia e mandateve, opozitën e ka dëmtuar vetvetja; kryetarokracia; mbyllja e plotë ndaj shoqërisë e nevojave të saj për përfaqësim real.
Opozita duhet ribërë nga fillimi.
Ndjesa nuk mjafton…”-shkruan Manjani.
/b.h
