Këngëtarja shqiptare me famë botërore, Dua Lipa është përballur me një problem në Londër, pas kthimit nga turneu i saj Future Nostalgia. Policia britanike ka bllokuar makinën luksoze, Jaguar F-Type e cila kushton 55 mijë paund.
Nuk dihet arsyeja pse makina është bllokuar por nga fotot e publikuara nga mediat vendase shihet makina e këngëtares e cila ka në rrota një “Kresë rrote”. Një nga arsyet më të zakonshme për bllokimin ose konfiskimin e një makine është mungesa e sigurimit.
Siç raporton Daily Mail, automjetet duhet të kenë sigurim ligjërisht të vlefshëm dhe është e lehtë për policinë të dallojë automjetet e pasiguruara duke përdorur bazën e të dhënave të tyre. Një arsye tjetër mund të jetë edhe parkimi i gabuar. Megjithatë, ende nuk ka asnjë reagim nga këngëtarja.
g.kosovari
