Presidenti i Francës, Emmanuel Macron ka uruar Joe Biden për fitoren në zgjedhjet presidenciale, duke u bërë kështu presidenti i 46-të i SHBA-ve.
Tashmë Macron dhe Biden do të jenë homologë dhe francezi e fton atë që të bashkëpunojnë.
Macron madje e paralajmëron se ka shumë sfida të sotshme që duhen kapërcyer prandaj kërkon një marrëdhënie dhe bashkëpunim të mirë mes Francës dhe SHBA.
“Amerikanët kanë zgjedhur presidentin e tyre. Urime Joe Biden dhe Kamala Harris. Kemi shumë për të bërë për të kapërcyer sfidat e sotme. Le të punojmë së bashku!”, shkruan presidenti i Francës.
Edhe kancelarja gjermane Angela Merkel përgëzoi Joe Biden dhe miken e saj në detyrë, Kamala Harris, pasi rrjetet kryesore i shpallën ata fituesit e zgjedhjeve presidenciale të SHBA të shtunën.
“Pres bashkëpunimme Presidentin Biden,” tha ajo në një deklaratë të postuar në Twitter.
“Miqësia jonë transatlantike është e pazëvendësueshme, duam të zotërojmë sfidat e mëdha të kohës sonë”.
Merkel, udhëheqësja e parë grua e Gjermanisë, theksoi se Harris do të ishte Zëvendës Presidentja e parë grua në vendin e saj.
g.kosovari
