Deputeti i PD-së, Keltis Kruja, zëvendëson deputetin demokrat, Oerd Bylykbashi, në komisionin e reformës zgjedhore. Ky ndryshim është miratuar mbrëmë në Kuvend në fund të seancës. Këto lëvizje kanë ardhur si rezultat i largimit të deputetit të PD-së, Eduard Halimi nga komisioni i Reformës Zgjedhore për arësye shëndetësore. Në vend të tij është vendosur, Oerd Bylykbashi.
Po mbremë pas një seance të gjatë debatesh dhe pa praninë e deputetëve të opozitës, Kuvendi miratoi të gjitha pikat e rendit të ditës. Me 72 vota u miratua ndryshimi i marrëveshjes së koncensionit ndërmjet palës shqiptare dhe shoqërisë “Tirana Airport Partners”. Marrëveshja synon rinegocimin e kushteve të koncensionit për t’i hapur rrugën vënies në punë të dy aeroporteve të reja, një në Kukës dhe tjetri në jug të vendit.
Me 72 vota deputetët e maxhorancës miratuan ratifikimin e marrëveshjes me BE-në për procedurat e sigurisë për shkëmbimin dhe mbrojtjen e informacionit të klasifikuar”. Marrëveshja synon përcaktimin e rregullave të përgjithshme të sigurisë që do të zbatohen për çdo shkëmbim informacioni të klasifikuar ndërmjet shtetit shqiptar dhe BE-së.
(javanews.al) Me. Ar
