Politikani holandez i partisë së ekstremit të djathtë, Partia e Lirisë Geert Wilders tha sot se të gjithë refugjatët meshkuj nga vendet islamike duhet të mbyllen në qendrat për azilkërkues , duke vënë në dukje se gratë duhet të mbrohen në rrugë.
Wilders,në një mesazh video që është publikuar nga partia e tij, dënoi sulmet në Gjermani, ku qindra gra u sulmuan dhe u plaçkitën në prag të Vitit të Ri , duke e quajtur atë “terrorizëm seksual dhe xhihad seksual”.
“Por deri sa të ndodhë kjo, derisa gratë tona janë në rrezik nga bombat me testosteron islam, unë sugjeroj që të gjithë meshkujt azilkërkues të mbyllen në qendrat e azilit “, tha Wilders , i njohur për qëndrimet e tij anti – islamike .
Holanda vitin e kaluar ka pranuar numër rekord të azilantëve, më shumë se 54 mijë transmeton AFP.
