Supermodelja, 36-vjeçare, Kelly Brook, foli hapur rreth asaj se si gjatë fëmijërisë kishte parë shpeshherë rrahje të dhunshme dhe se ishte ndaluar nga policia për shkak të vjedhjes. Ajo u rrit në një vendstrehim social në Rochester dhe për shkak të mjedisit të saj, kishte parë shumë gjëra të pakëndshme. “Prindërit e mi kanë kaluar shumë kohë në shoqëri me alkoolin. Ata shpesh grindeshin, kurse në shumë raste duhej të ndërhynte policia. Nëse nuk vinte policia, babai i hidhëruar largohej nga shtëpia dhe shkonte në drejtim të panjohur me kamionin e tij”, thotë ajo.
Edhe momenti më i frikshëm i saj në fëmijëri është i lidhur me babanë e saj. “Një nga momentet më të këqija ishte momenti kur babai im erdhi i dehur dhe filloi të hedhë orenditë shtëpiake. Mami dhe unë iknim, kurse ai na gjuante me gjëra të ndryshme”, tha Kelly Brook.
