Analisti Edvin Kulluri, gjatë intervistës me gazetaren Viol Xhafaj në Abc News, komentoi gjithashtu edhe kandidaturën e Belind Këlliçit për Bashkinë e Tiranës. Sipas tij, Këlliçi nuk po bën fushatë dhe se nuk po tregon integritet. I pyetur për vjehrrin e tij socialist, analisti theksoi se kjo është fatale për Këlliçin.
“Këlliçi nuk ka fushatë. Nuk shoh teza, një set propozimesh për Tiranën nën drejtimin e Këlliçit. Deri tani shikoj negativizëm ndaj Veliajt. Këlliçi nëse ka dalë me të drejtë si kandidat i asaj partie që sulmon bashkinë e Tiranës në vijimësi për betonizimin e qytetit, duhet të përmendur edhe emrat e atyre që ka përmendur lejet e drejtimit.
Ti nuk mund të sulmosh VKM e PS për kontrollin teknik të godinave dhe të mos përmendësh atë që del edhe mbron në televizion. Këlliçi ka mungesë integriteti. Të hysh në garë për Tiranën do integritet, që ta çosh kokën dhe ta shohësh në sy qytetarët dhe rivalin tënd. Kur shikon rivalin dhe nuk përmend ata që janë në krah të rivalit, tregon se ke frikë dhe ndroje.
Këlliçi është me të drejtë i kompleksuar. Njeriu duhet të bëjë disa zgjedhje. Midis jetës private dhe asaj publike, mirë është që të mos jesh i detyruar të zgjedhësh.”, tha Kulluri.
