Këlliçi i vë vulën historisë: Qeverisja “Berisha”, më e mira që kemi pasur në 100 vite të shtetit shqiptar

Deputeti demokrat, Belind Këlliçi gjykon se qeverisja 2005-2009, nën drejtimin e Berishës, është më e mira që shteti shqiptar ka pasur në 100 vitet e fundit.

I ftuar në emisionin “7pa5” në “Vizion Plus”, Këlliçi shprehet se ish-kryeministri Berisha ka një shans të artë, atë të lënies së institucioneve të forta në PD.

“PD nuk mund të jetë parti e unit, Basha nuk mund të jetë më autoritar se Berisha, nuk i takon as për formim, forcë zakoni, moshë, për asnjë detaj. Berisha gjykoj se është i vetmi politikan evropian që ka një shans të artë, edhe për moshën që ka, për t’i bërë një shërbim PD që t’i lërë institucionet e shëndosha. 

Unë nuk mund të hedhë poshtë kontributin e Berishës në PD dhe qeverisje. 

Mandati 4-vjeçar, 2005-2009, është qeverisja më e mirë që kemi pasur në 100 vite të shtetit shqiptar, nuk krahasohet me atë të Ramës të këtyre 8 viteve. Kuvendi Kombëtar duhet të prodhojë atë rezultat që duan demokratët dhe anëtarësia.”

/a.r