Këlliçi bullizon qytetarin, por ai nxjerr bllof live: Kam ardhur nga Selaniku, në Tiranë është bërë punë, janë mbjellë pemë

Kandidati i Berishës dhe Metës në Tiranë, Belind Këlliçi u përpoq sot të tallej me një qytetar, i cili e telefonoi live në emisionin e mëngjesit në Syri Tv dhe lavdëroi punët e kryebashkiakut Erion Veliaj.

I kapur keq se si ishte e mundur që një telefonues kishte kaluar sitën e regjisë dhe po fliste mirë për Veliajn, Këlliçi u mundua ta bullizojë atë me pyetje cinike dhe arrogante. Por, qytetari vijoi në të tijën kur tha se shkolla e re “Qazim Turdiu”, e ndërtuar nga Veliaj, ishte ndërtuar e re me ngrohje dhe ndërkohë, ka parë shumë pemë të mbjella në qytet.

Ndiqni bisedën:

Qytetari: Unë vë re ndryshime në Tiranë. Edhe Lali Eri ka bërë ndryshime të them të drejtën.
Këlliçi: Ku jeton?
Qytetari: Në zonën e Don Boskos. Te Burgu 313 pak më poshtë.
Këlliçi: Me trafikun si jeni?
Qytetari: Po tani Tirana është metropol, natyrisht do ketë trafik. Unë kam qenë edhe jashtë, trafik ka në metropol.
Këlliçi: Me hapësirat publike, si je tek zona?
Qytetari: Tani, pallate shikojmë
Këlliçi: Po në Selanik vetëm pallate shikoje?
Qytetari: Tani, natyrisht që pallatet do bëhen, se Tirana po rritet përditë.
Këlliçi: Po 1 milion pemët? Pyllin e ke parë?
Qytetari: Unë nuk i kam numëruar me thënë të drejtën, por që pemë janë mbjellë këto vite…
Këlliçi: Fëmijë ke?
Qytetari: Po një vajzë.
Këlliçi: E ke në shkollë?
Qytetari: Tek “Qazim Turdiu, Lali Eri e ka bërë të re, është me ngrohje, me të gjitha.
Këlliçi: Shumë mirë, shyqyr, ky është lajm i mirë!