Kur fushata elektorale ndodhet në kulmin e saj, Partia Demokratike ka vendosur të tërheqë nga gara kandidatin e saj në Këlcyrë, Gentian Muhameti.
Mësohet se shkak për këtë qëndrim të Bashës ka qenë mosverifikimi i pastërtisë së figurës sipas kritereve të vendosura nga Basha në lidhje me rekordet kriminale.
Gentian Muhameti rezulton të jetë i arrestuar në vitin 1997 në Leçe të Italisë për shfrytëzim prostitucion, ndërkohë që më vonë është dënuar në Shkallën e parë.
Vetë Muhameti mohoi ekzestencën e dosjes kriminale, madje ai tha se vazhdon të jetë ende në fushatë.
Gentian Muhameti tha se deri tani nuk ka asnje komunikim zyrtar nga Selia Qendrore e Partisë Demokratike në lidhje me kërkesën zyrtare për ç’regjistrim. Muhameti theksoi se është vënë në dijeni vetëm nga dega e Përmetit për një mbledhje kryesie që do të zhvillohet nesër në orën 18:00.
Në këtë situatë Partia Demokratike pritet t’i japë mbështetjen kandidatit të pavarur Bujar Fezga, aktualisht kryetar i Komunës së Dishnicës.
