Kryeministri Edi Rama ka replikuar me komentuesit duke u ndalur te rasti i Kavajës. Ai solli edhe shembullin e Hysen Kadiut që fitoi primaret e PD, por si përfundim nuk figuron në listat e kandidatëve të Berishës.
“Kavajën e bëmë ne qytet kur na erdhi radha ta drejtonim. Se u çuan demokratët e Kavajës në primare këtë herë dhe votuan një kandidat. Doli më i votuari në Qarkun Tiranë ai kandidati dhe si përfundim jua hëngri bufi. Doni deputet atë që zbret nga makina një herë në dy vjet kur vjen tek ju dhe i merr era flokët?! Se vinte Luli, po të paktën i kishte flokët pikë” – tha Rama.
