“Kaubojsi” i parlamentit të Shqipërisë, siç njihet ndryshe deputeti i Lezhës, Eduart Ndocaj, 4 ditë më parë ka zhvilluar një vizitë në Kosovë.
Sot mediat kosovare shkruan se deputeti Ndocaj është rrahur keq nga dy persona në fshatin Landovicë, afër qytetit të Prizrenit.
Sipas mediave që citojnë burime nga policia bashkë me deputetin Ndocaj, në veturë ka qenë edhe këngëtarja e njohur E. A., një personazh i njohur nga Shqipëria.
Por në një prononcim për gazetën “Express” deputeti Ndocaj tha se ai ka qenë i ftuar në qytetin e Pejës, aty ku ka marrë edhe titullin si politikan i vitit, por kurrsesi nuk ka pasur një incident të tillë.
Ndocaj thekson se ky mund të jetë një sulm politik që bëhet ndaj figurës së tij.
“Nuk është e vërtetë. Kam qenë para 4 ditësh në Pejë, i ftuar në një spektakël ku ka marrë edhe një çmim për politikanin e vitit.
Nuk kam qenë në makinë me asnjë këngëtare, por vetëm me këshilltarin dhe shoferin. Nuk ka pasur asnjë incident siç flitet në media.
Ky mund të jetë sulm politik që bëhet ndaj meje”, tha Ndocaj për “Express”./a.m.
