Deputeti Kaubojs Eduart Ndocaj po jep një intervistë në emisionin Zonë e Lirë të Arian Çanit, nga ku është shprehur se sipas gjykimit të tij, më mirë do të ishte Nard Ndoka kryeministër sesa Edi Rama.
Kaubojsi ka deklaruar se ideja për të qenë edhe ai kandidat për kreun e PS-së ishte një “shpikje” e PS-së, të cilën me kalimin e kohës vetë deputeti e mori përsipër si dicka të mundshme. Ndocaj vetë u shpreh se e nisën si një tallje brenda PS-së idenë e një kandidimi për postin e kreut të selisë rozë, dhe po sipas kaubojsit, nëse do të ketë zgjedhje, ai do të marrë pjesë.
I pyetur nga Çani se përse në listën e PS, shumë kandidatë për deputetë janë pa arsim të lartë, Eduart Ndocaj tha se kjo çështje vjen për “arsye ekonomike”.
Po në lidhje me diskutimet ekonomike dhe deklaratën e tij të mëparshme, se deputeti Lezhës ka harxhuar miliona lekë për fushatën e PS-së, Ndocaj tha:
“Se di a do jem pjesë e PS… eshte dicka për tu parë, do shpenzoj por nuk e di sesa, fushata ka cmimet e veta…”
Çani: Keni deklaruar që keni paguar 500 mijë euro fatura për ps… por a e dini ju që ligji lejon vetëm 5mijë euro
Ndocaj: Unë kam bërë fushatën time personale, shifra është gjysëm miliardi lekë, këto shpenzime nuk kanë qenë faturë për PS-në,… kanë qenë në dobi të PS, sepse unë kam qenë kandidati…
