Ish-drejtori i fushatës së Donald Trump, Paul Manafort u dënua dje me gati katër vite burg për mashtrim tatimor dhe bankar, që u evidentua në kuadër të hetimit rus.
Ish-lobisti, 69 vjeç, mori një dënim shumë më të ulët nga rekomandimet e Departamentit të Drejtësisë, i cili sugjeroi një masë dënimi mes 19 dhe 24 vite burg.
”Paul Manafort ka kryer shkelje të rënda”, deklaroi gjyqtari T.S. Ellis, i cili dha verdiktin për 47 muaj, në një gjykatë federale të Aleksandrias (Virxhinias) në periferi të Uashingtonit.
Marrë në konsideratë legjislacionin ‘’dukshëm i lehtë’’ për rastet e mashtrimit tatimor, magjistrati justifikoi masën e ulët të dënimit nisur nga vullneti i tij për të shmangur pabarazitë me çështje të tjera të ngjashme.
”Atë që ju konstatuat sot konfirmon atë që ne kemi thënë që nga dita e parë. Nuk ka absolutisht asnjë provë për marrëveshje të fshehtë mes Paul Manafort dhe qeverisë ruse’’, deklaroi në momentin e daljes nga gjykata Kevin Downing, avokati i të dënuarit.
/a.rada
