Katër persona kanë mbetur të plagosur me armë zjarri mbrëmjen e së dielës në qytetin e Vlorës.
Ngjarja ka ndodhur në zonën e plazhit të vjetër brenda një lokali. Mësohet se dy persona kanë qëlluar në drejtim të një grupi tjetër pas një sherri verbal.
Pronari i lokalit, Arben Brahimaj, raportohet të jetë në gjendje të rëndë pas dy plagëve ne gjoks dhe bark.
Policia dhe grupi hetimor mbërritën në vendngjarje dhe nisën punën intensivisht për zbardhjen e rrethanave dhe kapjen e personave të përfshirë.
Ende nuk dihen motive e ngjarjes, ndërsa dyshohet një konflikt i nisur që prej paradites.
