Temperaturat nën 0 kanë shkaktuar ngrica në mjaft rrugë të qytetit të Tiranës të cilat po kthehen në rrezik për kalimtarët. Mjekët e Spitalit Universitar të Traumës bëjnë me dije se në një ditë mesatarisht 4 pacientë paraqiten me fraktura për shkak të rrëshqitjes nga akulli.
Kujdes kur kaloni në rrugët që kanë akull….
Moti i pazakontë ka krijuar këtë situatë të rrezikshme në mjaft akse në kryeqytet.
Mesatarisht në spitalin e Traumës paraqiten ditët e fundit 4 pacientë të cilët kanë fraktura kryesisht në gjymtyrë për shkak të rrëshqitjes duke kaluar në segmente të tillë problematikë.
Artan Distafa: 4 ditët e fundit kemi vënë re që 3-4 të sëmurë kanë ardhur si pasojë e rrëshqitjes në akull. Qytetarët duhet të kenë kujdes të mos nxitojnë dhe të evitojnë akullin.
Shefi i ortopedisë në traumatologji Artan Distafa tregon se në disa rastet, këto trauma shkojnë deri në ndërhyrje kirurgjikale.
Artan Distafa: Të cilët kanë pasur nga fraktura të lehta deri tek të sëmurët që ka pasur fraktura që kanë kërkuar ndërhyrje kirurgjikale.
Në Tiranë termometri mëngjesin e së martës shënoi vlerën minimale – 4 gradë celcius. Meteorologët kanë parashikuar edhe për ditët në vijim temperatura me vlera negative ndaj qytetarët dhe drejtuesit e automjeteve duhet të bëjnë kujdes dhe rekomandohet të shmangin akse problematike nga ngricat./oranews/a.k
