Kategoria e parë/ Habit Turbina e Rrakllit, Dinamo dhe Bylis pa gola

Janë luajtur sot dy ndeshje të tjera të javës së katërt të Kategorisë së Parë në Grupin B, ku rivaliteti duket shumë më i ndezur mes skuadrave.

Dy skuadra pretendente për ngjitjen, Dinamo dhe Bylis janë përballur në një takim që ka prodhuar raste të shumta si në njërën portë, ashtu edhe në tjetrën, por jo gola. Në pankinën e ballshiotëve në këtë duel ka debutuar trajneri Eqerem Memushi, i emëruar pas shkarkimit të Julian Ahmatajt një javë më parë.

Ndërkaq, vazhdon të çuditë Turbina e drejtuar nga Altin Rraklli e cila ka marrë një tjetër fitore, duke mundur 3-1 me përmbysje ekipin e Sopotit dhe duke dhënë sinjale se për të nuk do të jetë problem mbijetesa në këtë sezon.

U luajtën sot

Dinamo-Bylis 0-0

Turbina-Sopoti 3-1
57′ Allmeta, 69′, 89′ Berdufi / 18′ Qejvani

Të luajtura

GRUPI A

Iliria-Kastrioti 1-1
66′ Balluku / 90’+1′ Marku

Besëlidhja-Mamurrasi 2-0
22′ Lekaj, 64′ Karlos Djalo

Burreli-Tërbuni 1-0
70′ Nikshiqi

Shënkolli-Besa 2-0
10′ Malo, 24′ Rrustemaj

Kamza-Erzeni 2-1
37′ Morina, 73′ Ymeri / 76′ Pasha

Renditja

Kamza 12 pikë, Burreli 10, Besëlidhja 10, Shënkolli 6, Erzeni 4, Kastrioti 4, Tërbuni 2, Mamurrasi 2, Iliria 2, Besa 1.