Cfare katastrofe per “te kuqte” e Staroves. Portieri e barazon ne fund per Teuten. Partizani dhe Teuta e mbyllën në një barazim 1-1, sfidën e vlefshme për javën e 23-të në Kategorinë Superiore.
Ishin të kuqtë ata që zhbllokuan avantazhin, në pjesën e parë, me Prognin. Pak minuta më parë, Hoxha kishte shpëtuar “demat” nga pësimi i golit, duke pritur penalltinë e Çyrbjas.
Në të dytën, nuk pati shumë zhvillime, me të kuqtë që menaxhuan rezultatin, të paktën deri në minutat shtesë. Nga një goditje këndi, në minutën e 95-të, portieri Moçka i ardhur nga katërkëndëshi i tij në zonën e Partizanit, shënon me kokë.
Në Durrës shpërthen festa, dhe shifra mbyllet në barazim 1-1. Një pikë e artë kjo për Teutën, ndërsa Partizani humbi një rast për tu afruar me zonën e Europës (Panorama).
Skeda e ndeshjes | Teuta-Partizani 1-1
Gol: Moçka 96′ / Progni 25′
