Në episodin e fundit të emisionit “N’xhiro me Syçin”, gazetari Ilir Demalia reagoi ashpër ndaj realitetit politik dhe shoqëror në Shqipëri.
Për Demalian, mungesa e një reflektimi të thellë shoqëror dhe e pjekurisë politike është thelbi i krizës sonë.
“Këto që dalin sot si cuba… Po ku ishit mor zotëri, ju që sot shisni veten si antikomunistë?!”, akuzoi ai, duke iu referuar figurave publike, konkretisht Tomor Alizotit.
“Ky që thotë ‘do t’ju hamë të gjallë’… çfarë hëngre në Berat? Katastrofë! Në Elbasan? Edhe më keq! Çfarë do të hash ti të gjallë?! Këto janë fjalë që vetëm të çakërdisin nervat.”
Ai vazhdoi duke sulmuar arrogancën e atyre që e quajnë veten diplomatë, por që flasin me “një gjuhë të drunjtë dhe agresive”.
Drejtuesi i PD në qarkun e Elbasanit, Tomor Alizoti, paralajmëroi socialistët gjatë fushatës zgjedhore në Librazhd duke thënë se “do t’ju hamë të gjallë nëse prekni demokratët”.
