Mbi 300 balena u gjetën të ngordhura në bregdetin kilian në Patagoni, rreth 2 mijë kilometër në jug të kryeqytetit Santiago.
Kolonia e balenave të ngordhura të gjetura më 1 dhjetor, mund të përbëjnë katastrofën më të madhe sipas studiuesve.
“Ishte një vizion apokaliptik. Unë nuk e kisha parë asgjë të këtyre përmasave në të shkuarën” -tha për AFP Vreni Häussermann, drejtor i qendrës shkencore Huinay, i cili mori pjesë në ekspeditën gjatë së cilës u zbuluan balenat.
Balena “Sei” të ngordhura, të cilat janë specie në ruajte, ishin gjetur edhe në muajin prill në këtë zonë.
Në qershor, gjatë një fluturimi zbulues mbi zonën, ekipi i shkencëtarëve kishte gjetur një numër shumë më të lartë të balenave të bllokuara në cekëtinë.
“Ne mund të llogarisim treqind e tridhjetë e shtatë kufoma apo skelete balene” duke parë fotografitë nga ajri dhe ato satelitore, raporton Vreni Häussermann.
“Ka ende shumë fusha që ne nuk kemi qenë në gjendje për të arritur, kështu që ka gjasa se ka më shumë balena të vdekura” tha më tej shkëncëtari.
Pas zbulimit shokues, analizat paraprake të shkencëtarëve dolën në konkluzionin se asnjë prej balenave nuk kishte lëndime, por ato dyshohet se kanë ngordhur për shkak të një virusi.
Studimi i autoriteteve kiliane përjashtoi në mënyrë kategorike ndërhyrjet njerëzore në këtë katastrofë.
