Disa shtete i kanë ofruar ndihmë Republikës së Maqedonisë për ballafaqimin me pasojat nga moti i keq në rajonin e Shkupit dhe të Tetovës, ndërkohë që vendi i vogël ballkanik është në ditë zie për viktimat.
Të parët ofruan ndihmë shtetet fqinje si Shqipëria, Kosova, Bullgaria, Bosnje-Hercegovina, Serbia, Turqia dhe Kroacia.
“Momentalisht, bëhet fjalë për specifikimin e nevojave konkrete të Republikës së Maqedonosë në ballafaqimin me gjendjen e jashtëzakonshme, ku do të kërkohet edhe zyrtarisht ndihmë ndërkombëtare”, deklaroi Ministria e Jashtme maqedonase.
Fundjavën e kaluar, Republika e Maqedonisë u përfshi nga katastrofa më e madhe natyrore në 10 dekadat e fundit.
Në Shkup humbën jetën 21 persona dhe mbi 70 janë të plagosur.
Sot është dekretuar edhe ditë zie në Republikën e Maqedonisë./a.m.