Mbreti Felipe IV është pritur me protesta të dhunshme në Barcelonë.
Mbreti vendosi të vizitonte rajonin, pas protestave të ditëve të fundit pro pavarësisë dhe para zgjedhjeve të reja që pritet të mbahen por u përball me qindra mijëra protestues që ishin mbledhur në qendrën e qytetit dhe lëshuan thirrje kundër tij.
Disa mbanin në duar parulla me mbishkrimin “Katalonja nuk ka monark”, ndërsa të tjerë dogjën portretin e Mbretit Felipe.
Protestat pro pavarësisë së Katalonjës u rikthyen muajin e fundit pas një vendimi të Gjykatës së Lartë spanjolle për të dënuar me burgime të gjata disa nga liderët e rajonit për rolin e tyre në organizimin e referendumit për pavarësi. /e.s/
